BREAKING NEWS प्रदेस न ४ 'समाचार समाचार समाज

श्रेया हत्याकाण्ड त्यो कुकुर, घुमाई घुमाई अपराधिलाइ पार्यो फन्दामा

प्रकाश ढकाल
पोखरा, असोज ११ ।
पोखराको पुम्दीभुम्दीमा मंगलबार मृत भेटिएकी श्रेया सुनारको बलात्कारपछि हत्या भएको खुलेको छ । छिमेकी कुशुम पौडेलले चक्लेट किन्ने पैसा दिएर उनको बलात्कार गरेको तथ्य खुलेको छ । कास्की प्रहरीले बुधबार पत्रकार सम्मेलन गरी हत्या आरोपी पौडेललाई सार्वजनिक गरेको हो । पौडेलले पत्रकार सम्मेलनमै बलत्कार पछि हत्या गरेको स्विकार गरेका छन् । ‘हो मैले नै बलात्कार गरेर हत्या गरेको हुँ–कुशुमले भने ।’ घटनाको १३ घण्टाभित्रै प्रहरीले मंगलबार राति २७ वर्षीय कुसुम पौडललाई पक्राउ गरेको हो । कुशुम सहित पाँच जनालाई पक्राउ गरेकोमा पौडेल मात्र दोषी देखिएका श्रोतले जनायो ।

सोमबार साँझ हजुरआमासँग पैसा मागेर पसलमा विस्कुट किन्न गएकी श्रेया मंगलबार विहान मृत अबस्थामा फेला परेकी हुन् । शव भेटिएपछि प्रहरीले हत्याराको खोजी गर्न तालिम प्राप्त कुकुर परिचालन गरेको थियो । कुकुर शव भेटिएको एक सय मिटर पर पुगेर अल्मलिएपछि प्रहरीले छिमेकीलाई घेरामा राखेर अनुसन्धान थाल्यो । सुरुमा कुकुरले पनि कुशुमलाई छोडेर अर्कै बाटो लाग्यो । कुशुम त्यसपछि खुशी भए । तर उनको खुशी एकछिन पनि अडिन पाएन ।

कुकुरले नै कुशुमलाई अपराधी ठहर गरिदियो । ‘सुरुमा त कुकुर म अघिल्लो दिन गएको बाटोतिर गयो । मलाई खुशी पनि लाग्यो, कुशुमले भनेका छन्–तर पछि घुमेर मैतिर आयो । प्रहरीले पनि शंका गर्न थालेपछि मैले घटना स्विकारेको हुँ ।’ केही छिमेकीहरुलाई नियन्त्रणमा लिएर केरकार गर्दै जाँदा कुशुमले हत्या स्विकार गरेका हुन् । घटनामा कास्की प्रहरी प्रबक्ता डिएसपी रवीन्द्रमान गुरुङ, वडा प्रहरी कार्यालयका प्रमुख डिएसपी नवीन कार्की र जनियर अधिकृत सहितको टोलिले अनुसन्धान गरेको थियो ।

पुरा पढ्नुहोस

http://dnanepal.com/%e0%a4%b6%e0%a5%8d%e0%a4%b0%e0%a5%87%e0%a4%af%e0%a4%be-%e0%a4%b9%e0%a4%a4%e0%a5%8d%e0%a4%af%e0%a4%be%e0%a4%95%e0%a4%be%e0%a4%a3%e0%a5%8d%e0%a4%a1-%e0%a4%a4%e0%a5%8d%e0%a4%af%e0%a5%8b-%e0%a4%95/

Leave a Reply

Your email address will not be published. Required fields are marked *